नेपाल सरकार
गृह मन्त्रालय
जिल्ला प्रशासन कार्यालय,
पर्वत


  राहदानी सम्बन्धी सूचना

राहदानी तयार भर्इ वितरण भए नभएकाे जानकारी प्राप्त गर्न तपाई‌ले प्रयाेग गर्ने नेपाल टेलिकमकाे कुनै पनि फाेन वा माेवाइलवाट १६१८०६७४२०१३४ मा डायल गरेर तथा जिल्ला प्रशासन कार्यालयकाे फेसवुक एकाउन्टबाट समेत  विभिन्न जानकारी लिन सक्नुहुन्छ ।

२०७४ साल कार्तिक ०८ गते सम्म अावेदन फाराम भर्नुहुने आवेदकहरूकाे राहदानी तयार भर्इ वितरण भर्इरहेकाे हुँदा अावेदनकर्ता स्वयं राजस्व तिरेकाे भाैंचर, नागरिकता प्रमाणपत्र र पुरानाे राहदानी हुनेहरूले साे समेत अनिवार्य साथमा लिर्इ जिल्ला प्रशासन कार्यालय, पर्वतकाे राहदानी शाखामा कार्यालय समयभित्र सम्पर्क गर्नुहुन अनुराेध गरिन्छ ।

  • जिल्लाका सरकारी कार्यालयहरुमा प्रशासनको छड्के २०७४-७-२७

    आज मिति २०७४ साल कार्तिक २७ गते १०:१५ बजे जिल्ला प्रशासन कार्यालय, पर्वतले विभिन्न १७ वटा सरकारी कार्यालयहरुको सहायक प्रमुख जिल्ला अधिकारीद्वय डिल्लीराम शर्मा पौडेल र ऋषि राम आचार्यको नेतृत्वमा ४ समूह बनाई आकस्मिक छड्के निरीक्षण गरी कर्मचारीहरुको हाजिरी, काज, विदा, पोशाक, परिचयपत्र र कार्यालय परिसरको सरसफाईको निरीक्षण गरेको छ । निरीक्षणका क्रममा अधिकांश कार्यालयमा कार्यालय प्रमुख सहित कर्मचारीहरु उपस्थित रहेको पाईएको, परिचय पत्र सहित तोकिएको पोशाक लगाएको पाईयो भने कार्यालय परिसर पनि बेलाबेलामा सरसफाई गर्ने गरेको पाईयो । विदा, काज स्वीकृत नगराई अनुपस्थित रहेका, तोकिएको पोशाक तथा परिचय-पत्र नलगाएका जिल्ला शिक्षा कार्यालय, जिल्ला स्वास्थ्य कार्यालय, जिल्ला अस्पताल, पशुसेवा कार्यालय,…

  • सरकारी कार्यालयहरुको निरीक्षण २०७४-६-१८

    मिति २०७४ साल असोज १८ गते जिल्ला प्रशासन कार्यालय पर्वतले पर्वत जिल्ला  स्थित विभिन्न १६ वटा सरकारी कार्यालयहरुको आकस्मिक निरीक्षण गरेको छ । निरीक्षणका क्रममा अधिका‌ंश कार्यालयमा कार्यालय प्रमुख सहित कर्मचारीहरु उपस्थित रहेको पाईयो । केही कार्यालयहरुमा कर्मचारीहरु विदा तथा काजमा रहेता पनि सेवा प्रवाह यथावत सुचारु रहेको पाइयो ।

  • पहिरोले घर पुरिँदा १ जनाको मृत्यू २ जना वेपत्ता २०७४-३-१८

    मिति २०७४।०३।१७ गते रातीदेखि परेको अविरल बर्षाको कारण बिहान अं.०४:०० बजेको समयमा जि.पर्वत महाशिला गाउपालिका वडा नं.-१ होश्राङ्दी बस्ने तिर्थ मल्ल ठकुरीको घरभन्दा माथिबाट अाएको पहिरोले निजको घर पुरिँदा घरमा भएका ३ जना मानिस बेपत्ता भएकोमा तिर्थ मल्ल ठकुरीकाे शव प्राप्त भएकाे र मृतककी अामा बर्ष ८० की बेल कुमारी मल्ल तथा निजकी श्रीमती वर्ष ५५ की याम कुमारी मल्ल हाल सम्म बेपत्ता भएको छ । बेपत्ताको खोजी कार्य जारी रहेको छ । पहिरोले घर गोठ पुर्ण रुपमा पुरिएको छ । यसैगरी अविरल वर्षाकाे कारण वागलुङ-पाेखरा सडक खण्डको विभिन्न स्थानमा पहिराे खसी सडक अवरुद्ध भएकोमा राति नै डोजर प्रयोग गरी…

  • सूचनाको हक सम्बन्धी सार्वजनिक विवरण २०७३-१०-२०

    सूचनाको हक सम्बन्धी सार्वजनिक विवरण

  • सार्वजनिक विदा सम्बन्धी सूचना २०७४-८-१४

    हजरत मुहम्मद सल्ललल्लाहो अलैहे वोसल्लमको जन्म दिन (बाह्र रव्विउल) को शुभअवसरमा २०७४ साल मंसिर १५ गते तथा इसाई धर्मावलम्वीहरुको पर्व क्रिसमस डे का दिन (पौष १० गते) नेपाल राज्यभरका सबै सरकारी कार्यालयहरु एवं विदेशस्थित नेपाली नियोगहरु समेतमा सार्वजनिक विदा दिने भनी गृह मन्त्रालयको निर्णयानुसार भोलि मंसिर १५ गते शुक्रबार र आगामी पौष १० गते कार्यालय बन्द रहने व्यहोरा सबैमा जानकारीको लागि अनुरोध छ ।

  • सवारी साधन नचलाउने सम्बन्धी सूचना २०७४-८-७

    आसन्न प्रतिनिधि सभा सदस्य र प्रदेश सभा सदस्य निर्वाचन पहिलो चरणमा २०७४ साल मंसिर १० गते यस जिल्लासँग सीमाना जोडिएका जिल्ला वाग्लुङ्ग र म्याग्दीमा सम्पन्न हुन गई रहेकोले मंसिर १० गते उक्त जिल्ला भएर चल्ने लामो तथा छोटो दूरीका अत्यावश्यक र अनुमति लिएका बाहेक अन्य कुनै पनि सवारी साधन नेपाल सरकार गृह मन्त्रालयको आदेशानुसार सञ्चालन नहुने भएकोले सो दिन सवारी साधन सञ्चालन नगर्नु नगराउनु हुन सर्वसाधारणको जानकारीका लागि यो सूचना प्रकाशित गरिएको छ ।

  • हातहतियार बुझाउने सम्बन्धी अत्यन्त जरुरी सूचना २०७४-७-१७

    आगामी २०७४ साल मंसिर २१ गते सम्पन्न हुन गई रहेके आसन्न प्रतिनिधि सभा र प्रदेश सभा सदस्य निर्वाचनलाई स्वतन्त्र, निष्पक्ष, शान्तिपूर्ण र भयरहित वातावरणमा सम्पन्न गर्न व्यक्तिहरुसँग रहेको इजाजत प्राप्त बन्दुक, पेस्तोल जस्ता हातहतियारहरु निर्वाचन कार्य सम्पन्न नभए सम्मका लागि जिल्ला प्रहरी कार्यालय पर्वत वा नजिकको स्थानीय प्रहरी चौकीहरुमा मिति २०७४/०७/३० गते भित्र अनिवार्य रुपमा बुझाउनु हुन सम्बन्धित सबैलाई हातहतियार ऐन, २०१९ को दफा ८ बमोजिम सूचना प्रकाशित गरिएको छ साथै निर्वाचनको परिणाम घोषणा भएको ७ दिन पश्चात उक्त हातहतियारहरु सम्बन्धित व्यक्तिहरुलाई फिर्ता गरिने व्यहोरा समेत जानकारी गराईन्छ ।

  • जिल्ला प्रशासन कार्यालय, पर्वतको सार्वजनिक सूचना २०७४-७-१५

    महालेखा परीक्षकको कार्यालय, बबरमहलबाट यस जिल्लास्थित स्थानीय तहका कार्यालय लगायत सम्पूर्ण सरकारी कार्यालयहरुको आ.व. २०७३/०७४ को अार्थिक कारोबारको अन्तिम लेखापरीक्षण भएकोले लेखा परीक्षण भई रहेकोले लेखा परीक्षणसँग सम्बन्धित राय, परामर्श, सल्लाह-सुझाव भएमा महालेखा परीक्षकको कार्यालयबाट आउनु भएका टोली (मुकाम कोष तथा लेखा नियन्त्रक कार्यालय, पर्वत)लाई र लेखा परीक्षण गरी रहेका टोली प्रति कुनै गुनासा भएमा महालेखा परीक्षकको कार्यालय, बबरमहल, काठमण्डौं फोन नं. ०१-४४६२९५८ र ०१-४२६६०३४ तथा जिल्ला प्रशासन कार्यालय, पर्वतको फोन नं. ०६७-४२०१३३ र ०६७-४२०१३४ मा जानकारी  दिई सहयोग गरी दिनु हुन सम्पूर्ण सरोकारवाला सबैको जानकारीका लागि यो सूचना जारी गरिएको छ ।

  • जिल्ला प्रशासन कार्यालय, पर्वतको सार्वजनिक सूचना २०७४-६-३१

    जिल्ला प्रशासन कार्यालय, पर्वतद्वारा जारी गरिएको सार्वजनिक सूचना नेपालीहरुको महान चाड तिहार २०७४ को अवसरमा देउसी तथा भैलो लगायतका विभिन्न सांस्कृतिक कार्यक्रमहरु रातको समयमा गर्दा अवाञ्छित गतिविधिमा संलग्न व्यक्तिहरुले शान्ति सुरक्षामा प्रतिकूल असर पुर्‍याउन सक्ने हुँदा सुरक्षालाई दृष्टिगत गरी देउसी भैलो लगायतका सांस्कृतिक कार्यक्रमहरु राति ९:०० बजे सम्म मात्र गर्न साथै यस अवधिमा भूईचम्पा, पटका र आतसबाजी जस्ता विष्फोटक पदार्थको प्रयोगबाट सर्वसाधारण जनताको स्वास्थ्यमा प्रतिकूल असर पर्न जाने, चोटपटक लाग्ने तथा आगलागी भई जनधनको क्षति हुनसक्ने भएकोले त्यस्ता विष्फोटक पदार्थहरुको उत्पादन, आयात, निर्यात बिक्रि वितरण, ‌ओसार पसार तथा प्रयोग नगर्नु हुन अनुरोध गरिन्छ ।यदि कसैले यस विपरित कार्य गरेमा कानून…

  • आगामी २४ घण्टाको बाढी पूर्वानुमान २०७४-५-५

    जल तथा मौसम विज्ञान विभाग, जलविज्ञान महाशाखा, बाढी पूर्वानुमान शाखाद्वारा प्रकाशित आगामी २४ घण्टाको बाढी पूर्वानुमान यस प्रकार रहेको छ ।

  • जिल्ला प्रशासन कार्यालय पर्वतकाे अनुराेध २०७४-४-२९

    विगत केही दिन देखि परिरहेको अविरल वर्षाको कारण मुलुकका विभिन्न क्षेत्रहरु बाढी, पहिरो र डुवानमा परी जनधनको ठूलो क्षति भई सार्वजनिक जीवन प्रभावित हुन पुगेको छ । यस अवधिमा पर्वत जिल्लाका नदी तट क्षेत्रका बासिन्दा तथा संभावित जोखिम क्षेत्रका बासिन्दाहरुलाई उच्च सतर्कता अपनाई धनजनको क्षति हुन नदिन तर्फ ध्यान दिन सम्बन्धित स्थानीय तह गाउँपालिका र नगरपालिकालाई अनुरोध छ । साथै संभावित बाढी पहिरो र डुवानबाट हुने क्षतिको खोज उद्दार र राहत कार्यमा तयारी अवस्थामा रहन सुरक्षा निकाय, सम्बन्धत विषयगत कार्यालय र स्थानीय तहलाई समेत अनुरोध छ । प्रकोप सम्बन्धी कुनै घटना घटेमा तत्काल उद्दारका लागि जिल्ला प्रशासन कार्यालय, सुरक्षा निकाय,…

  • राहत वितरण अभिलेख २०७४-४-३

    अा‍.व.२०७३/२०७४ मा पर्वत जिल्लावाट द्वन्द्व पिडित व्यक्तिहरुका नजिकका हकदार तथा विस्थापित व्यक्तिहरुलाई राहत वितरण गरेकाे अभिलेख

  • सूची दर्ता २०७४-४-१२

    सुची दर्ता सम्वन्धि सूचना 

  • कार्यालय प्रमुखहरुको हाजिरी विवरण सार्वजनिक गरिएको २०७४-१-८

    पर्वत जिल्लाका सरकारी कार्यालयका प्रमुखहरुको २०७३ साल चैत्र महिनाको हाजिरी विवरण सार्वजनिक गरिएको छ । उक्त विवरण डाउनलोड गरी हेर्न सकिने व्यहोरा सूचित गरिन्छ ।



© सर्वाधिकार सुरक्षित गृह मन्त्रालय